Poslovne vesti - Makedonija

Бензините поскапи за 2,5, а дизелот за 0,5 денари

Регулаторната комисија за енергетика ги зголеми цените на нафтените деривати, во просек за 1,51%. Од ноќеска на полноќ малопродажните цени на ЕУРОСУПЕР БС 95 и на ЕУРОСУПЕР БС 98 се зголемија за 2,50 денари по литар.

Така, цената на ЕУРОСУПЕР БС-95 изнесува 84 денари/литар, а на ЕУРОСУПЕР БС-98 е 85,5 денари/литар. Малопродажната цена на ЕУРОДИЗЕЛ (Д-Е В) се зголеми за 0,50 денари и изнесува 71,50 денари/литар.

Малопродажната цена на екстралесното масло за домаќинство (ЕЛ-1) се зголеми за 0,50 денари/литар и изнесува 60,50 денари/литар. Малопродажната цена на мазутот М-1 НС се зголеми за 0,404 денари за килограм и изнесува 42,928 денари/килограм.